DAKBAYAN SA DABAW — Boluntaryao ug hapsay nga mipahawa ang baynte siete (27) ka pamilya nga nag-ukupa sa 6,000 square meters nga pribadong luna sa Purok del Carmen, Matina Aplaya kaganihang buntag, Septiembre 12.
Gipangunahan ni Davao City Police Director Colonel Alexander Tagum ug Talomo police chief Ronald Lao ang pag-implementar sa ‘Writ of Possession’ nga gi issue sa RTC Branch 10 ubos ni Judge Retrina Fuentes, batok sa mga residente sa luna nga gipanag-iyahan ni Delia Sumail.
Wala na nakareklamo ang mga residente tungod kay gipasabot kanila nga ang ilang gitukuran sa ilang panimalay titulado nga yuta ug gamiton na sa tag-iya.
Matud ni Tagum iyang gipasabot sa mga okupante nga wala silay katungod nga mosukol sa kamanduan sa korte, ug mas maayo nga sila na lang ang moguba sa ilang balay, aron mapuslan pa nila ang mga kahoy ug ubang materyales niini.-Reeya Nuñez/NewsLine.ph
