DAKBAYAN SA DAVAO–– Upat ka mga armadong magsuon ug duha pulis nga ilang kabanay ang giingong nipusil-patay kang Police Captain Arnold Ronald Moralde niadtong Huwebes sa buntag sa Barangay Dos, lungsod sa Parang sa Maguindanao del Norte.
“Ang lugar diin natumba si Moralde gipanag-iyahan sa mga suspeks didto sila nagpuyo mao nga naka-react sila sa pipila lang ka mga segundo,” matud ni Parang Municipal Police Chief Colonel Christopher Cabugwang sa Newsline.
Si Moralde, ang commander sa Regional Mobile Force sa Philippine National Police sa Bangsamoro Autonomous Region usa ka maayo ug hanas nga opisyal sa kapolisan, dugang ni Cabugwang.
Si Moralde nakaangkon og daghang samad pinusilan sa nagkadaiyang parte sa iyang lawas.
“Sa unom ka mga suspek, upat ang managsuon (usa ang namatay) samtang ang duha ka polis nga mi-surrender mga paryente kay nakaasawa sa pamilya ni Untal . Wala siya’y (Moralde) ideya sa lugar nga gisudalan niya,” dugang sa hepe sa kapulisan.
Ang Katapusang tawag
Samtang anaa sa sulod sa Parang Public Market, nabantayan ni Moralde nga nagbitbit og armas ang usa ka tawo nga giilang si Mohiden Untal hinungdan nga nipahibawo siya sa sitwasyon kang Cabugwang.
Pipila ka minuto sa wala pa siya mamatay, nanawag si Moralde kang Cabugwang aron mangayo og clearance aron makaduol sa suspek ug giingnan nga hulaton ang alert team sa fixed PNP visibility post duol sa barangay hall, nga pipila lang ka metros ang gilay-on aron kuyogan siya, “To at least defuse the tension if ever, pero wala na siya naminaw nag proceed siya ug pila ka segundos lang, paspas kaayo ang panghitabo, nagtaho na ang team nga patay na si Captain Moralde.”
“Naghimo kami og pagsubay sa panghitabo ug nakakuha kami usa ka kopya sa CCTV, ug ang video ang nagpakita ug nagsaysay sa panghitabo,” dugang ni Cabugwang.
Ang video nga nikatag karon nagpakita nga ang lima ka mga armadong lalaki nagpabuto sa ilang mga armas bisan kung si Moralde naghigda na sa semento sa karsada duol sa usa ka van.
“It was a miscalculation on the part of Captain,” pasabot ni Cabugwang “Wala ni napangandami ang mahitabo kay naka-focus siya kay alyas Pogi (Untal), wala siya mahibalo nga tua ang iyang igsoon nga si Mokari, ug duha pa ka niya ka igsoon,” kay wa siya kabantay. nga ang balay nga iyang gisudlan maoy pinuy-anan sa mga suspeks nga doul ra kaayo sa merkado publiko.
Ang pagsurender
Duha sa lima ka buhing suspek aktibong sakop sa Philippine National Police, ang usa nadestino sa Matanog Police samtang ang usa nadestino sa Rajah Buayan, ang duha ka polis ni-surrender niadtong Huwebes sa gabii atol sa hot pursuit operations ug anaa na sa kustodiya sa PNP.
Samtang ang laing tulo ka sibilyan nga suspek, ang mga igsuon ni Untal pabiling gawasnon, butyag ni Cabugwang.
Gipasaka ang kaso
Niadtong Biyernes sa hapon, Mayo 3, si Cabugwang niingon nga ilang gipasakaan og kasong murder ang lima ka mga suspek “The administrative case will be file by the Regional Internal Affairs Service (RIAS) as we care of the criminal case and after the filing, it is up for ang opisina sa prosekusyon aron timbangtimbangon ang mga sumbong.”
“Makasubo kaayo kini tungod kay ang mga suspek sa pagpatay kang Kapitan Roland Moralde mga kauban usab niya sa yunit,” pagkumpirma ni Cabugwang.
Gikondena ni PNP Chief Marbil ang kamatayon ni Moralde samtang gihangyo niya ang PNP nga tukion ang kaso. Si Marbil ug ang tibuok PRO-BAR nalipay sa pamilya ni Moralde samtang nagbangutan sila sa pagkamatay sa usa ka maayong opisyal.
