DAKBAYAN SA DAVAO— 45 ka tawo ang namatay samtang usa ka  8-anyos nga bata ang milagrong naluwas human nahulog ang bus nga ilang gisakyan sa tulay kilid sa bung-aw  doul sa lungsod sa Mokopane, Pretoria, South Africa, niadtong Huebes Santo.
Ang mga pasahero sa bus   gikan sa Botswana ug paingon mosimba apan kalit mi-ikis ang bus ug gidaro niini ang brandilya nga harang sa tulay, dayon midiritso og kahulog sa bukid.
Pipila ka minuto ang milabay, midilaab ang bus ug daghan sa mga pasahero ang nangasunog.
Sumala sa  probinsyal nga panggamhanan sa Limpopo, mitipas ang bus sa Mmamatlakala bridge sa amihanang South Africa ug nahulog sa 50 metros (164 ka pye) sa bung-aw una kini nasunog.
Sa inbistigasyon nga gihimo, migawas nga nawad-an og kontrol ang drayber sa bus ug gidaro niini ang babag sa kilid sa tulay, usa ang drayber sa mga namatay.
Ang 8-anyos nga bata padayon pang gitambalan sa usa ka hospital.
Ang Presidente sa South Africa nga si Cyril Ramaphosa miingon nga ang mga biktima gikan sa Botswana ug nagpadulong sa lungsod sa Moria sa Limpopo aron hinumdumon ang katapusang sa semana sa Pasko sa Pagkabanhaw nga ginsdugok sa mga deboto sa South Africa ug silingang mga nasud nga nagsunod sa Zion. Kristohanong Simbahan.
Nagpadangat na sa iyang pahasubo ang Presidente Mokgweetsi Masisi sa pamilya sa mga biktima ug aron tabangan ang ilang mga pamilya,
