DAKBAYAN SA DAVAO-— Mokabat na sa 900 ka nga syudad ug munisipyo sa tibouk nasud gikan sa gibana-banang 163 ka distrito sa kinatibuk-ang 254 ka distrito sa tibouk nasud.
Kini ang gibutyag ni Commission on Elections chairman George Garcia sa iyang pakighinabi sa ANC niadtong Martes, Enero 23.
Sumala ni Garcia nagsugod na sila og dawat ug ihap sa mga nakapirma sa nagpadayon nga kampanya sa People’s Initiative aron usbon ang 1987 Constitution bisan sa wala pay gisang-at nga petisyon.
Ang mga pag-ihap sa pirma nga ilang nadawat nakalatid giya nga gipadawas sa ilang buhatan subay sa Comelec Resolution 10650
“We cannot change the guidelines when there is already a process ongoing,” saysay ni Garcia.
Bout pasabot, dili nila puede usbon ang guidelines kay ginapahigayon na ang proseso.
Sumala ni Garcia, ang mga lokal nga buhatan sa Comelec nagdawat ug nag-ihap kay ilang ilang pamatud-an ang mga pirma nga mamahimong kabahin sa petisyonkung ipasaka na unya kini.
Gipasabot usab ni Chairman Garcia nga wala pay pormal nga petisyon nga gipasaka ug gihimo lang sa Comelec ang iyang obligasyon base sa nakalatid sa balaud.
Dihang gipangutana nganong di na lang maghuwat og petisyon nga ipasaka sa dili pa maihap ang mga pirma, si Garcia niingon nga mahimong ma-dismiss ang petisyon kon walay signature certification gikan sa Comelec.
Ang pag-certify sa mga pirma lahi sa proseso sa pag-verify niini, dugang niini.
“Usa sa mga rekisitos ubos sa balaod ug ubos sa mga lagda kinahanglan adunay attachment [sa petisyon] kon pila ka pirma ang nadawat sa lokal nga Comelec,” matod niya.
“And we can only find that out through the certifications that our local Comelec” will issue to the proponents,” dugang niya.
