DAKBAYAN SA KIDAPAWAN (Pebrero 23)-— Usa ka turistang mibisita sa Matigol Falls sa Sitio Inamong, Barangay Datu Ladayon, North Cotabato, ang aksidenteng nahulog og namatay human kini nadakdak samtang nagkuha ug selfie.
Giila sa mga otoridad ang bitima nga si Hercules Monreal, food server, 21 anyos at nakatira sa Catalunan Grande, Davao City.
Gibutyag ni Arakan Chief of Police Jose Marie Molina nga nalingaw ang biktima ug iyang mga barkada sa kaanindot sa busay ug misaka kini sa gibana-banang mokabat sa 100 ka tiil ang gitas-on, aron mag selfie, apan nadakin-as kini.
Gitabang ang biktima sa iyang mga kaubanan ug gidala sa Rubillo Hospital sa Calinan, Davao City apan nakabsan kini sa kinabuhi.
Naka-angkon ang ulitawo og daghang mga bun-og, bali ug pangos sa nagkadaiyang bahin sa lawas nga maoy hinungdan sa iyang kamatayon.
Matud pa sa iyang tourist guide, wala nananghid ang biktima nga siya mokatkat sa taas nga bahin sa busay.
Una nang nagpasidaan ang LGU-Arakan sa mga turista nga mangaligo sa Matigol Falls nga mag-amping aron dili madisgrasya.
Nagpahimumdum ang opisyal sa kapulisan nga mag-amping ang mga dumuduong sa maong lugar, aron malikayan ang disgrasya..-cacs/Newsline.ph
