DAKBAYAN SA DABAW (Hulyo 1) — Sikop ang lima ka Insik nga gidudahang maoy nagpaluyo sa pag -imprenta sa mga pekeng marka sa kontrabandong sigarilyo.
Sa operasyon nga gilusad sa Bureau of Customs niadtong Hunyo 25, didto sa dakbayan sa Valenzuela, naabtan sa operatiba sila si Kevin Tan, Alex Chan, James Sy, Tin Fu, Alyas Tonyo ug usa ka Pilipino nga si Michael Jamora, mga akusado sa paggama ug pekeng label ug marka.
Ang mga pekeng pakete ug label nga nakuha alang sa sigarilyo ug mga karton parehas ra jud sa ginagamit Philip Morris ug Fortune Tobacco Corporation (PMFTC), apan wala nila makopya ang mga sinyales sa tinoud nga marka sa Fortune, Mark, More ug Jackpot, matud pa sa opisyal sa tiggama ug sigarilyo.
Ang operasyon gilusad human nakadawat ug taho ang buhatan sa BOC sa naay gikadudahang planta didto sa Valenzuela.-jap/NewsLine.ph
