DAKBAYAN SA KIDAPAWAN (Agosto 3) –– Gi-aresto sa kapulisan niadtong Huebes ang usa ka maestra nga gi-akusahang nanakit sa iyang estudyante didto sa Mlang, North Cotabato.
Sumala sa taho sa Philippine News Agency, gibutyag ni Colonel Maximo Layugan, probinsyal director sa North Cotabato PNP, nga gireklamo si titser Gerlie Lumbay Villagonzalo 38, residente sa Purok 1, Barangay Calunasan, M’lang, North Cotabato, tungod kay iyang gipasakitan ang iyang estudyante.
Si Villagonzalo, maestra sa New Lawaan Elementary School sa Barangay Lawaan.
Gi-aresto ang maestra subay sa warrant of arrest nga gipakanaug ni Judge Jose Tabosares sa Regional Trial Court Branch 16 sa Kabacan, North Cotabato, niadtong Hulyo 24..
Ang ginikanan sa bata ang mipasaka ug kaso sa paglapas sa Republic Act 7610 kon “An Act Against Child Abuse, Exploitation, and Discrimination.”
Napriso apan naka-piansa na si Villagonzalo.-jap
