DAKBAYAN SA DABAW —USA ka balaodnon ang gisang-at karon sa Kongreso nga magasilot sa mga asawa nga mokuha sa tibuok sweldo ug ATM sa ilang mga bana.
Ang maong balaodnon nagapalapad sa coverage sa Violence Against Women and Their Children (VAWC) Act of 2004 nga nag apil na sa mga bana ug LGBTQIA+ partners
. “Ang economic abuse ay ‘yung ginagawang financially dependent ‘yung partner sa inyo at nawawalan siya ng karapatan na magdesisyon kung paano tutugunan ang kanyang sariling pangangailangan,” matud ni Nograles sa usa ka pakigpulong sa grupo sa media.
Lakip sa gikonsiderar nga economic abuse mao ang pagkuha sa asawa sa tibuok swedlo o ATM sa bana nga moresulta nga mawad-an kini sa pagdesisyon nga mogasto sa kwarta alang sa personal na panginahanglan, pagpasabot ni Nograles.
Ang maong balaodnon alang sa pag “mainstream gender equality.” Giklaro sa kongresista nga kasamtangang balaodnon sa VAWC nag apil lang sa mga kababayin-an ug mga anak, apan sa mga pagtu-on nahibaw-an nga 12 ngadto sa 15 porsyento naka apekto usab sa mga gi abuso nga bana.-Jiann A. Padillo/NewsLine
