DAKBAYAN SA DABAW— Gipusil patay ang finance manager sa Davao del Norte Electric Coopertive Development Authority( DANECO-CDA) didto sa Maco, Compostela Province, niadtong Domingo sa buntag.
Giila ni Capt. Woody Sabdani, officer-in-charge sa Maco Municipal Police Station, ang biktima nga si Glenn Maico Ordoño, 46, nagpuyo sa Purok 3, Poblacion Maco.
Matud ni Sabdani, nakadawat ug impormasyon ang kapulisan gikan sa usa ka sa traffic enforcer nga nagpahibalo pinaagi sa radyo nga dunay pagpamusil nga nahitabo sa Sitio Lupon-lupon, Barangay Hijo lungsod sa Maco.
Ang Personahe sa kapulisan niadto gilayon sa nahisgutang lugar aron embistigahan ug nakaplagan ang walay kinabuhi nga lawas ni Ordoño, naligo sa sarili niyang kaugalingong dugo tapad sa iyang besikleta.
Ang amahan sa biktima nga si Antonio Ordoño, nagbutyag nga ang iyang anak nibiya sa ilang balay nga nag inusara sakay sa iyang besikleta aron mag ehersisyo.
Dugang pa ni Ordoño nga ang iyang anak nag plano nga muadto sa Barangay Lapu-Lapu ug sa Munisipalidad.
Matud pa sa mga saksi nga dili magpaila sa ilang pangalan, Siya ug ang iyang anak padulong mag jogging ug ilang nakit an ang duha ka lalake sakay sa motorsiklo ang naga sunod sa biktima, ug gipusil ang biktima sa lalaking nagsakay sa likod sa motor.
Sa inisyal nga taho sa kapulisan, migawas nga una namatay si Ordoño, nag-post kni sa Facebook ug nagkanayon “ Bisan ug nahibalo naka unsay kamatuoran, USAHAY mas pilion na lang nato ang Magpakahilum. Kay ug imo ipagtigbabaw ang imo baruganan, PATYON naka sa karong panahuna.
Ang mga Higala ug Pamilya ni Ordoño nanawagan para sa hustisya sa iyang kamatayon-Jiann A. Padillo
