DAKBAYAN SA DABAW — Gimanduan karon sa Korte Supreme ang administrator sa korte nga ingnan ang mga Huwes nga ang mga bag-ong dinakpan sa kaulohan ibalhug sa istasyon sa kapulisan ug dili sa prisohan .
Ang kamanduan i-implementar sukad Hulyo 21 hangtud sa Agosto 31, ning kasamtangang tuig.
Matud ni Court Administrator Maida Marquez, ang tanang Hurado kinahaglan magpagawas ug kamanduan kabahin sa maong order ug kini ipadala sa Philippine National Police (PNP), gawas lang kung gidawat na sila sa mga lokal nga buhatan sa Bureau of Jail Management and Penology.
Nagpagawas og kamanduan ang Korte Supreme human mihangyo si Interior Secretary Eduardo Año nga temporaryong undangon ang pagpagawas sa ‘commitment orders’ sa BJMP aron malikayan ang pagdagsang sa mga kaso sa covid-19.
Midugang si Marquez nga matud ni PNP chief Police General Archie Gamboa aduna pay lugar ang mga istasyon sa pulis alang sa mga bag-ong dinakpan.
Sa pagkakaron, adunay 783 ka mga prison ang BJMP sa kauluhan ug 135 niini ang nagpositibo sa Covid-19.
Unon na ang namatay tungod sa epidemya.-Winkle Mae M. Tabuclao/Newsline.ph
