DAKBAYAN SA DABAW – Kinahanglan pa kuno nga makakita ug lig-on nga ebidensya sa korupsya si Presidente Rodrigo Duterte aron iyang palagputon sa puesto si Health Secretary Francisco Duque III, kini ang giluatan ni Salvador Panelo, ang legal counsel ni Duterte.
Matud ni Panelo, ang Task Force PhilHealth nag-amping sa pag-imbestiga sa giingong kurapsyon sa sulod sa PhilHealth,
Una nang gipahayag ni Duterte “Kailangan ‘yun ay backed up by documents, paper trail. Kasi sasabihin mo,’yan sangkot ‘yan dito, iyan nagre-release ng ganito, kung salita lang, pero wala naman sa dokumento, wala sa papel, eh idi-dismiss lang ‘yan ng hukuman.”
Una niini, miingon si Justice Secretary Menardo Guevarra, nga gikatakdang ipagawas sa task force ang resulta sa ilang imbistigasyon kabahin sa anomalya sa PhilHealth, ug ila usab isumitir sa President ang posibleng kasong administratibo ug kriminal batok sa mga nalambigit nga opisyal.
Posible kuno nga igawas na ang resulta sa imbistigasyon karong Lunes, “Sa Setyembre 14, kinahanglan namo (ang task force) nga isumite sa kay (Presidente Duterte) ang among report ug mga nahibal-an lakip ang mga kasong administratibo o criminal sa mga tawo sa PhilHealth nga mapamatud-ang responsable sa mga anomaliya o iregularidad,” saysay Guevarra.
Mahinumduman nga kaniadtong Agosto 7, gimandoan ni Duterte si Guevarra nga pangunahan ang task force og nga mo-imbistigar sa kurapsyon sa sulod sa PhilHealth.
Gihatagan ang task force og 30 ka adlaw aron tapuson ang imbestigasyon niini ug isumite ang mga nahibal-an ug rekomendasyon sa opisina ni Duterte.
Tungod sa niini, gipahayag ni Panelo nga hulaton sa Presidente ang resulta sa imbistigasyon “Dili man basta-basta lang paphaon ang usa ka opisyal sama ni Duque kung walay igong ebidensya batok kaniya.”-Winkle Mae M. Tabuclao/Newsline.ph
