COTABATO CITY— Wa nay angay’ng kabalak-an ang mga pobre nga mga kaigsuonang Muslim sa Davao Region sanglit mamahimo na silang maka-avail sa libreng medical assiatance pinaagi sa Ayudang Medikal Mula sa Bangsamoro Government (AMBAG) Program’s Php10,000,000.00 fund nga gibutang sa Southern Philippines Medical Center (SPMC).
Ang AMBAG opisyal nga gisugdan niadtong November 2019 diin ka partner niini ang napulo ka mga hospital sa tibuok Bangsamoro region ug usa sa Davao Region.
Ang SPMC ang pinakaunang hospital gawas sa Bangsamoro region nga naay AMBAG Program.
“It will cater primarily to the poor and indigent patients, and those who find difficulty in paying their hospital bills,” sumala ni Mohd Asnin Pendatun, AMBAG Program head.
Dugang ni Pendatun nga mukabat na sa 8,552 ka mga pasyente ang nahatagan og tabang sa AMBAG program as of September 2020 pipila niini ang mga biktima sa twin bombings sa Jolo, Sulu niadtong August ug ang mga biktima sa pagbusikad sa mortar ngadto sa Datu Saudi Ampatuan, Maguindanao niadtong Mayo.
Mamahimo sab matud pa nga maka-avail sa AMBAG Program ang mga pasyente nga mga katoliko ug ang mga IPs. “Non-Moro can also avail of this program, especially if they are residents of the region,” dugang ni Pendatun.
Ang AMBAG usa sa mga programa ni Chief Minister Ahod Balawag Ebrahim aron nga matabangan ang mga pobre nga mga pasyente nga makakuha og full medical assistance.
Ang upat ka mga hospital sa Maguindanao nga partner sa AMBAG mao ang Cotabato Regional and Medical Center, Cotabato Sanitarium Hospital, Datu Blah Sinsuat District Hospital, Buluan District Hospital ug duha sa Lanao del Sur, ang Amai Pakpak Medical Center ug Dr. Serapio Montañer, Al-Hadj Memorial Hospital ug sa Basilan, ang Basilan General Hospital.
Apil sab ang Provincial Health Offices (IPHO) sa Maguindanao, Sulu ug Tawi-Tawi.
Samtang ginahikay pa ang partnership niini sa ubang hospital sa North Cotabato, Sarangani, Zamboanga ug Manila aron nga mas daghan ang mamahimong maka-avail ug matabangan. Newsline.ph
