DAVAO CITY – Tungod sa mga tapok-tapok sa miembro sa pamilya, gilauman na sa mga health experts ang posibleng pagsaka sa kaso sa Coronavirus sulod sa panimalay karong panahon sa pasko.
Kini ang panlantaw ni Dra. Marie Yvette Barez, chief sa Infection Prevention Control and Control Unit sa Southern Philippines and Medical Center (IPCU-SPMC).
Subling nagpahimangno si Barez sa matag pamilya nga i-obserba ang minimum health protocols bisan sulod sa mga panimalay.
Matud ni Barez, mamahimo lamang nga mapugngan ang household transmission kung mutuman ug mupatoo ang tao.Gi-awhag ni Barez ang matag pamilya nga kung mamahimo dili magdungan og kaon sa sulod sa panimalay, magsul-ob og mask ug mag-social distancing.
Apan, mipasalig hinoun kini nga andam ang SPMC sa posibling pagsaka sa kaso tungod sa holiday season.
Niadtong Disyembre 24, mitala ang Department of Health Davao region og 88 ka bag-ong kaso sa Covid-19.Kung diin 53 gikan sa Davao City, 16 sa Davao del Sur, 10 sa Davao del Norte , 5 sa Davao de Oro ug4 sa Davao de Oro.-Minerva Robles
