9 ka barangay kapitan sa Mindanao sabit sa pondo sa SAP

DAKBAYAN SA DAVAO— Siyam ka mga barangay kapitan sa Mindanao ang ginganlan ni Presidente Rodrigo Duterte nga ipailawom sa preventive suspension sa buhatan sa Ombudsman tungod sa ilang kalambigitan sa anomalya sa Social Amelioration Program (SAP) nga pondo.

Ang mga kapitan nga gi-akusahang nangawkaw sa ponso sa SAP, ipailawom sa unom (6) ka bulan nga preventive suspension.

Sa iyang televised address Lunes sa Gabii, Enero 18, matud sa Presidente dugay na siyang nagbahad sa mga taga gobierno nga dili hilabtan ang kuarta alang sa mga kabus, apan, sa gihapon, dunay mga nanghilabot.

“ito ‘yung names of 89 barangay captains preventively suspended for six months by the Office of the Ombudsman in relation to the anomalies or irregularities in the implementing — implementation of the Social Amelioration funds. Iyong mga pera na kaya ‘yung ibang mga hindi nakahin — hindi nila natanggap kasi kinontrol<” matud ni Duterte.

Iyang gipamulong ” Sabi ko na nga eh kaya ako nag-warning noon. Ito, preventively suspended kayo. Iyan, in the meantime na naghi-hearing ‘yung kaso, suspended kayo. But eventually, ito puro lahat malversation ito of public funds which is very serious.”

Ang pagpailawom sa Preventive suspension, sa mga kapitan, usa ka proseso aron dili na nila ma-inpluensyahan ang himoong imbistigsyon.

Sa Mindanao mao kini ang mga kapitan nga gingalan sa Presidente.

Region X:

1. Camilo B. Anduyan – Barangay Tibangan, Iligan City;
2. Jocelyn B. [Janioso] – Barangay Mabunga, Baugnon, Bukidnon;
3. Zosimo Lao Zapico – Brgy. Ampinican, Salay, Misamis Oriental;

Region XI:

1. Maria Te – Barangay Manuel Roxas, Governor Generoso, Davao Oriental;
2. Josephina Padillo – Barangay Libertad, Bansalan, Davao del Sur;
3. Aurora [Benemerito] – Barangay Bangkal, Matanao, Davao del Sur;
4. Noel Alo – Barangay Mayo, City of Mati, Davao Oriental;
5. Apolonio Toledo – Barangay Harada Butal, Davao del Sur;

Region XIII:

1. Wilfredo M. Membrillos, Barangay Nong Nong, Butuan City.

Ang mga gi-akusahan, dunay panahon nga limpyohon ang ilang pangalan atol sa himoong imbistigasyon.-Newsline