DAKBAYAN SA DAVAO — Nanghipos na sa ilang mga opisina ang walo ( 8 ) ka senador nga mohuman sa ilang mga termino karong umaabot nga Hunyo 30.
Nanghipos na sa iyang opisina si Senador Panfilo “Ping” Lacson kay mahuman na ang iyang termino isip senador karong Hunyo 30.
Midagan pagka presidente si senador Lacson niadtong May 9, national elections apan, wala kini nakadaug.
Si Lacson usa sa walo ( 8 ) ka senador nga mohuman sa ilang termino karong katapusan sa bulan.
“No heavy heart, just a sense of fulfillment primarily because for the last 18 years, I’ve managed to keep my nose clean, while doing my job dutifully and with utmost integrity,” matud ni Lacson sa iyang text message sa mga reporters.
Hinuon, gibutyag sa senador nga sakit ang iyang dughan sa iyang mga empleyado nga mawad-ad og trabaho “My heart goes out to my staff though, When I talked to them in batches of 4-5 last Thursday, June 4, naubos ang tissue ko sa office sa kaiiyak nila.”
Kauban ni Lacson sila si Senador Vicente Sotto, Ralph Recto, Franklin Drilon, Richard Gordon, Francis “Kiko” Pangilinan, Leila de Lima, ug Manny Pacquiao—nga mopahawa na sa ilang puesto karong Hunyo 30.-Paul T. Palacio
