DAKBAYAN SA DAVAO— Gisuspenso na ni Presidente Ferdinand Marcos Jr. si Gerald Batag, ang director general sa Bureau of Corrections.
Gipulihan dayon kini ni Gregorio Catapang Jr. matud ni Department of Justice Secretary Jesus Crispin Remulla niadtong Biernes, Oktobre 21.
Ang pagbalasa nahitabo human gipusil patay ang broadcaster nga si Percival “Percy Lapid” Mabasa niadtong Oktobre 2, didto sa Las Piñas.
Miinit ang isyu sa Bureau of Corrections human matud pa gipatay sulod mismo sa New Bilinid Prison sa Crisanto Villamor, ang gitudlong “broker” sa pagpatay kang Lapid.
Una nang mikumpisal ang gunman nga si Joel Escorial, nga unom sila nga gikontrata sa pagpatay kang Lapid ug ang order gikan mismo sa sulod sa Bilibid.
Base sa imbistigasyon sa DOJ, si Villamor ang nagsugo sa pagpatay kang Lapid ug misaad kang Escorial ug sa iyang mga kauban nga bayaran silage P550,000.
