DAKBAYAN SA DAVAO — Abri alang sa tanan ang simbahan sa Romano Katoliko, apil niini ang mga miemrbo sa LGBTQ, kini sumala ni Santo Papa Francis niatong Domingo.
Nagabiahe ang Santo Papa gikan sa iyang pagsalmot sa Worrld Youth Day sa Portugal paingon Roma sa dihang iya kining giluatan sa mga reporters.
Nangutana ang usa ka reporter sa Santo Papa kung abri ba ang simbahan sa katoliko alang sa tanan, ug ang iyang tubag “Everyone, everyone, everyone.”
Apan, giklaro niini nga dunay mga balaud sa sulod sa simbahan, apan ang tanan puedeng mosulod dinhi.
Sa iyang pagbisita sa Portugal, iyang gisaysay sa katawhan, nga ang simbahan dangpanan sa tanan “Including those who make mistakes, who fall or struggle,” ug misingit ang mga mitambong og “Todos, todos, todos!’ (Tanan).
Gibana-banang nga mokabat sa 1.5milyon ang mitambong sa misa nga gipangunahan sa Santo Papa didto sa Riverside Park sa Portugal.
