DAKBAYAN SA DAVAO –— Pakusgan pa sa Department of Education (DepEd) ang kampayan niini batok sa paggamit sa mga estudyante og “vape” kon e-cigarette sa sulod sa mga eskuelahan apil ang pagpamaligya niini 100-ka metros gikan sa mga tulunghaan.
Sa usa ka telebisyon interbyu pinaagi sa People’s Television Network, gisaysay ni Education Assistant Secretary Dexter Galban nga makig-alayon sa ubang mga ahensya sa gobierno aron ipatuman ang balaud.
Kini human nasayran sa ahensya nga nagkadaghan ang nagagamit og e-cigarette kon vape sulod sa mga eskuelahan, butang nga nakapaalarma sa DepEd.
“Patuloy po naming pinapalakas ang implementasyon ng aming mga programa. Mula Barkada Kontra Droga na naging Barkada Kontra Bisyo,” saysay ni Galban.
Ang program subay sa DepEd Order 14 ug DepEd Memorandum 111, nga nagdili sa bisan unsang klase sa sigarilyo doul a eskuelahan.
“Gumawa rin kami ng task force, na pinangungunahan mismo ng mga kabataan, ng ating mga learners na magiging,” dugang ni Galban.
Saysay ni Galban, padayon nga mikatag ang pagbaligya og mga sigarilyo doul sa mge eskuelahan tungod kay daghan paagi nga gigamit sa mga tighimo og sigarilyo aron dili madiskorehan nga sigarilyo ang ilang ginatinda.
Ang DepEd makig-alayon sa ilang kampanya kuyog ang Department of Health (DOH), Department of Trade and Industry (DTI), ug ang Department of the Interior and Local Government (DILG) aron hugot ipatuman ang balaud.
