DAKBAYAN SA DAVAO— Nagpabilin gihapon ang mando sa pagdakop sa Senado kang Apollo Quiboloy, bisan pa man mipasaka kini og petisyon nga magpagawas ang Korte Suprema (SC) og temporary restraining order aron mapungan ang pagdakop kaniya.
Magpabilin ang warden de aresto tungod kay gihatagan sa korte og napulo ka adlaw ang senado nga mohatag og komento kabahin sa petisyon ni Quiboloy.
Sumala ni Camille Ting, ang tigpamaba sa Korte Suprema gihatagan sa Korte Supreme og napulo (10) ka adlaw ang Senado (sukad madawat ang order) nga mosumitir sa ilang komento.
Mipagawas og order ang Senado nga arestohun si Quiboloy tungod sa padayon niining pagbalewala sa imbitasyon nga moadto sa hiring sa senado kabahin sa akusasyon nga pagpangmolesiya sa iyang kanhi miembro.
Apan, nagpadala si Quiboloy petisyon sa Korte Suprema aron balewalaon ang order batok kaniya.
Sumala ni Ting nangayoog Temporary Restraining Order (TRO) ug writ of preliminary injunction ang kampo ni Quiboloy.
“Mao nga karon naghulat kami sa mga komento sa mga respondents,” dugang niini.
Ang pagkomento usa ka lakang nga pamaagi ug naandan nga aksyon sa matag petisyon sa Korte Suprema. Ang mga komento, apil ang nahaunang petisyon ni Quiboloy, tukion sa Korte Suprema aron matino ang sunod nga aksyon niini sa kaso. Walay TRO nagpasabot nga makapatuman gihapon ang Senado sa ilang arrest order.
