DAKBAYAN SA DAVAO-–Duha ang patay samtang tulo ang angol sa panagbangga sa tulo ka mga sakyanan sa national highway sa Tupi, South Cotabato, Huwebes sa kadlawon.
Sumala ni Emil Sumagaysay, pangulo sa Municipal Disaster Risk Reduction and Management Council, ang bangga nahitabo mga alas 4 sa kaadlawon nga naglambigit sa usa ka pickup truck, usa ka fish car, ug usa ka 10-wheeler container vehicle.
“Duha sa mga sakay sa itom nga pickup nga sakyanan nga adunay temporaryo nga plaka nga numero 1201-628702 ang napatay sa lugar, apan ang ilang mga identidad wala pa matino,” dugang ni Sumagaysay.
Kritikal ang drayber ug duha ka katabang sa fish car, dugang niya.
Nunot sa insidente, si Sumagaysay nihangyo sa mga sumasakay nga respetuhon ang highway speed limit bisan og walay traffic enforcers nga nagbantay.
