DAKBAYAN SA DAVAO – Gikatakdang mag abot ang mga diplomat sa nasud Pilipinas ug China didto sa Xiamen karong adlawa, Huebes, Enero 16, aron hisgutan ang kagubot sa West Philippine Sea.
Sumala ni Foreign Affairs Secretary Enrique Manalo, ang China ang nagpasiugda sa ilang Bilateral Consultation Mechanism kon DCM.
Si Foreign Affairs Undersecretary for Policy Ma. Theresa Lazaro ang morepresenta sa Pilipinas.
Ang Pilipinas ug China, gilauman nga magpasibaw sa ilang mga argumento kabahin sa away sa teritoryo sa West Philippine Sea ug sa South China Sea, kini human Nakita ang usa ka daku nga barko sa Chinese Coast Guard ang gitawag nilag “Monster Ship” didto sa Bajo de Masinloc kon Scarborough, nga teritoryo sa Pilipinas, ug mibiahe paingon sa Zambales, sayo ning semana.
Kahinumduman nga mipasaka ang Pilipinas og protesta nga nangayo sa pagpahawa sa China sa ilang mga barko didto sa West Philippine Sea.
