DAKBAYAN SA DABAW (Pebrero 20) —Gilayong gipadakop sa usa ka bana ang iyang asawa human naaktuhan niya ang iyang asawa kuyog ang iyang uyab sulod sa usa ka Motel ning dakbayan, niadtong Lunes alas 9:30 sa gabii, Pebrero 18.
Sumala sa report nga natala sa San Pedro Police, mireklamo si alias Rex , taga barangay Tacunan ning Dakbayan, nga nakit-an niya ang iyang asawang si alias Lilybeth, 31, misulod sa D’Morvie Suites sa dalang San Pedro ning Dakbayan kuyog si alias Roland, 31 .
Matud ni Rex, kuyog ni Lilybeth si Roland, service driver, residenti sa San Isidro, Tagum City, sa dihang misulod kini sa motel.
Gisaysay ni Rex, milakaw ang iyang asawa aron makigkita sa tag-iya sa yuta nga ibaligya ngadto niya.
Wala kahibalo si Lilybeth nga gisundan siya ni Rex, dakong kakurat sa bana nga ang iyang asawa misulod sa motel kuyog ang usa ka lalaki.
Daling gikuyugan sa membro sa San Pedro Pulis si Rex sa motel, ug ilang gituktok ang Room No. 314, ug gi-abrihan dayon kini ni Lilybeth.
Nakit-an sa mga pulis ug sa bana nga walay pantalon ang uyab ni Lilybeth ug gilayon kining gi-aresto.
Nag-atubang karon ug kasong paglapas sa Article 333 sa Revise Penal Code si Lilybeth kon adultery.-jap/NewsLine.ph
