DAKBAYAN SA DAVAO— Dad-on ang mga sundalo sa Pilipinas ug US didto sa tumoy sa exclusive economic zone ang hiniusang pagbansay-militar sa Balikatan Excerside 2024 didto sa Exclusive Economic Zone sa Pilipinas nga doul lang sa West Philippine Sea.
Ang Balikatan 2024 salmutan sa mga puersa nga salmutan sa Pilipinas ug US.
Ang EEZ wala gipanag-iyahan sa Pilipinas apan adunay “sovereign rights” ang Pilipinas base deklarasyon sa United Nations Convention on the Law of the Seas kon UNCLOS niadtong 1982.
Subay sa UNCLOS, ang Pilipinas lang ang dunay eksklusibong katungod nga mogamit sa EEZ ug puedeng mangimbitar ang Pilipinas sa laing nasud nga mogamit niini sama sa paghimo og Balikatan Exercise.
Sa interbyu sa GMA News kang Col. Mike Logico, ang tigpamaba sa Balikatan, gisaysay niini nga didto dalhon ang mga barkong panggubat sa Pilipinas ug US, bisan pa man dunay presensya sa China Coast Guard ug mga mangingisda.
Giangkon sa China nga ila ang nahisgutang exclusive economic zone sa Pilipinas, sukwahi sa deklarasyon sa UNCLOS.
Subay sa UNCLOS, ang Pilipinas lang ang adunay “Sovereign Rights” kon nasudnong katungod sa EEC ug gipalig-on pa ang maong katungod sa 2016 nga arbitral ruling kay matud niini ang pag-angkon sa China nga 9-Dash Line walay basehan.
Sumala sa 2016 Arbitral Ruling ang nahisgutang 9-Dash Line nasulod sa EEZ sa Pilipinas ug mao kini ang gilapas sa China sa dihang naghimo sila og aktibidad sa lugar, naghimo usab ang China og mga artificial nga isla ug nangisda pa sa EEZ.
Sa pagahimoung Balikatan 2024, sumala ni Logico, ang konsepto sa depensa kinahanglang molapas sa 12 nautical miles aron mapanalipdan sa Pilipinas ang “Nasudnong interes sulod sa atong teritoryo, sulod sa teritoryo sa atong kadagatan, ug sulod usab sa exclusive economic zone,” matud pa ni Logico sa interbyu sa Super Radyo dzBB.
Sa pangutana sa posibleng tensyon nga mahitabo tali sa China tungod sa Balikatan exercise nga doul sa West Philippine, mitubag si Logico sa nahisgutang intervbyu “Aw, kana ang ilang problema. Dili kana ang among problema.”
Sumala ni Professor Renato de Castro, usa ka security analyst, ang hinungdan sa tensyon mao ang presensya sa mga pwersa sa China sa EEZ sa Pilipinas.
“Kung magpabilin lang ang China sa ilang exclusive economic zone, wala’y bisan unsang tensyon,” ingon ni De Castro.
Sumala sa China, nangimbitar ang Pilipinas sa mga nasud gikan sa gawas sa rehiyon aron suportahan ang mga paghagit niini sa lugar samtang gibalewala ang usa ka konsensus sa mga nasud nga sakop sa Southeast Asia.
Apan, , pipila ka mga nasud sa Southeast Asia ang nalakip sa 13 nga mag-obserbar sa joint military drills sa Pilipinas ug US nga gikatakda sa karon Abril ug Mayo. Lakip niini ang Thailand, Singapore, Vietnam, Indonesia, Brunei, ug Malaysia
