Ang mga Pilipino nga adunay liver failure nakakita og bidlisiw sa paglaum human si President Rodrigo R. Duterte misaad pagpalambo sa National Kidney and Transplant Institute (NKTI) aron ang mga pasyente dili nakinahanglan mogawas sa nasud alang sa liver transplant.
Ang pagsulbad sa problema sa liver transplant, sulayan dinhi sa nasud, Masaligon si Go “Nga ato kining mahimo dinhi. Anaay kwarta ug motabang ako.” matud sa Presidente
Iyang gidasig si Ronald Naval ug Kendy Aguilo nga ang ilang anak nga babaye nga si Sophie ipailalum sa liver transplant dinhi sa nasud imbis nga sa India, nga maoy gipili sa magtiayon tungod sa ubos nga kantidad sa pagpaopera didto.
Ang liver transplant sa Pilipinas tulo ka pilo sa pagka mahal kompara sa P1.2 milyon nga gikinahanglan sa India apan ang bili gilauman nga mokunhod pa kong ang NKTI adunay igong gidaghanon sa mga espisyalista ug hitsoan sa gikinahanglang pasilidad ug kagamitan.
Sumala sa rekomendasyon ni Senador Christopher Lawrence “Bong” Go, si Duterte miingon nga maayo pa nga tambalan dinhi sa Pilipinas aron ang pasyente makadawat sa maayong pre-operative ug post-operative nga pag-amuma ug adunay labing sayon nga pagtunol sa pinansyal nga hinabang gikan sa mga ahensya sa goberno.
Si Go mihingalan sa makasusubo nga kaso ni Eren Arabella Crisologo, anak nga babaye sa usa ka sundalo sa Philippine Army gikan sa Butuan city nga namatay tungod sa biliary atresia.
Si Duterte ug Go unang nakigtagbo kang baby Eren sa ilang pagduaw sa samaran nga mga sundalo didto sa tambalanan sa Cagayan de Oro city niadtong Marso 2019. Ilang gipadala ang 11 ka bulan nga bata ug iyang mga ginikanan ngadto sa India naidtong Hunyo 2019, apan ang operasyon wala molampos, ug namatay ang bata.
Short-term ug long-term nga kasulbaran
Human sa konsultasyon atol sa panagtagbo, si Go uban sa mga health officials ug practitioners, nakakab-ot og short term nga kasulbaran sa problema nga gipadangat ngadto sa presidente.
Ang short-term nga solbad mao ang pagmugna ug panag-abag tali sa Office of the President (OP), Department of Health (DOH), Philippine Children’s Medical Cener (PCMC),ug The Medical City (TMC), usa ka pribado nga hospital.
Ang long-term solution maglangkob sa pagbaton og kagamitan, mopalambo sa kahimanan sa NKTI, ug mopadala sa ilang mga espisyalista ngadto sa Kaohsiung Chang-Gung Memorial Hospital (KCGMH) sa Taiwan aron mabansay.
Ilalum sa panag-abag, Php3.6 milyon ang gibana-bana nga gahin alang sa matag benepisyaryo ug ang Php2.9 milyon gastuhon atol sa operasyon didto sa TMC, ug ang nahibilin gamiton sa pre-operation ug post-operation care didto sa PCMC.
Giila nga labing sayon himoon nga solbad sa problema ang panag-abag ug mapahimuslan ang kasamtangan pagtinabangay tali sa PCMC ug TMC nga molungtad hangtud ang NKTI sarang na sa paghimo og pediatric ug adult living donor liver transplantation.
Ang programa mogasto og P58.1 milyones alang sa kahimanan nga gikinahanglan sa NKTI ug P1.3 million alang sa unang batch sa 12 ka mga espisyalista nga bansayon sulod sa usa ngadto sa duha ka mga bulan didto sa Taiwan. Ang matag espisyalista mosilbe sa NKTI sulod sa duha ka mga tuig agig bugti sa pagbansay.
Ang long-term solution gilauman nga mopasaka sa standards sa health care ug mopataas sa garbo sa medical practitioners nga mga Piilipino, ug usab mapahimuslan ang namugna na nga relasyon tali sa NKTI ug KCGMH.
Gusto ni Go, nga ang mga pasyente adunay pagsalig sa atong mga mananambal ug mosulti kanila nga dili na sila kinahanglan molangyaw alang sa liver transplant.
“Kana maoy atong tumong dinhi, unta sa labing madaling panahon. Ug unta makatupong kita sa laing mga nasud,” Matud ni Go.
Sumala sa sugyot ni Go, ang PCMC motabang pahiluna uban sa DOH pinaagi sa programa sa ahensya nga Medical Assistance for Indigent Patients (MAIP).
Ang Presidential Management Staff (PMS) mangita usab sa lain pang tinubdan sa tabang ug makitagbo uban sa Deparmtent of Social Welfare and Development (DSWD), Philippine Charity Sweepstakes Office (PCSO), Philippine Health Insurance Corporation (PhilHealth), Philippine Amusement and Gaming Corporation (PAGCOR) ug pribadong mga kaabay.
Si Go midugang nga ang mga pasyente makadawat og serbisyo sa mga Malasakit Centers –ang one-stop shops alang sa medical ug financial assistance gikan sa Philhealth, DOH, DSWD, ug PCSO.
