DAKBAYAN SA DABAW (Mayo 23) — Gibalhog karon sa selda sa kapulisan ang usa ka batan-ong Hapon ug iyang kaubang Pilipino, human nasakpan nga nagdala ug daghang pinaugang dahon sa marijuna pasulod sa syudad kaganinang buntag.
Sumala sa taho sa Philippine Drug Enforcement Agency (PDEA) XI, Nadakpan sa sakop sa Task Force Davao didto sa barangay Lasang silas Shohei Figarom Kume, 21 anyos, usa ka Japanese National molupyo sa Solariega Subd., Talomo Davao City ug ang 20 anyos nga si Eliseo Cahero Esguera ug nagpuyo sa Green Meadows Mintal, Davao City.
Sumala ni PDEA 11 Director Antonio Rivera ang trese (13) ka mga dagkung bugkot sa marijuana, nga dunay gibug-atong Thirteen (13) kilos ug nagkantidad ug P1.5-milyon Pesos, ang gikarga sa duha sa ilang sakyanan gikan sa Mati, Davao Oriental.
.
Pasulod na sa syudad ang duha, apan pag-abot sa Checkpoint sa TF Davao, gi-inspeskyon ang baggage compartment sa ilang gisakyang Toyota Innova nga dunay plate Number LGJ 237, ug didto nakita ang mga giputos nga marijuana.
Wala na makabalibad ang duha sa dihang gi-pangutana sa personahe sa TF-DAVAO.
Matud pa ni Rivera, ilang gikonsidera nga mga High Value Target si Kume ug Esguerra tungod sa kadako sa kantidad sa Marijuana nga nakuha gikan sa ilang poder.
Ang duha mag atubang ug kasong pagsupak sa Republic Act 9165 kun ang Dangerous Drugs Act of 2002 ubos sa Section 11 Article II.-Rey Nuñez/Newsline.ph
