63 ka Filipino gikan sa Sabah, Malaysia gi-hold sa Dakbayan sa Zamboanga

Posted on

DAKBAYAN SA DABAW (Agosto 20) — gi-hold sa mga personahe  sa Philippine Coast Guard (PCG) sa Dakbayan sa Zamboanga ang saysentay tres (63) ka mga Pilipino nga pasahero gikan sa Malaysia tungod kay wala sila nakapakita ug pasaporte niadtong milabayng Domingo,  Agosto 12.

Ang mga walay dokumento nga pasahero sakay sa Al M/L Hapidz mibyahe gikan sa dakbayan sa Isabela City paingon sa Zamboanga City, sa dihang nadiskitahan nga wala silay mga papeles nga gigunitan.

Matud pa sa pamahayag ni Lt. Commander Noriel Ramos, ang hepe sa istasyon sa Zamboanga City Coast Guard, natiktikan nila nga dunay mga pasahero gikan sa laing lugar kay nag-radyo ang nga membro sa Coast Guard sa Basilan nga ilang namatikdan nga daghan kaayo ang pasahero.

Gilayon, giradyohan sa PCG Zamboanga ang kapitan sa barko nga nailhang si Jawadi Adjilani, samtang naglawig pa padulong na sa Baliwasan, Zamboanga aron mo dunggo ang barko.

Gilayong gi-imbistiga ang mga pasahero, ug nailhang gikan sila sa Kota Kinabalo, Sandakan, Sabah, Malaysia, ug mitabok sa Pilipinas miagi sa Isla sa Bikungan, sa Tawi-Tawi, ug didto sila nanukad paingon sa Basilan ug milahos sa Zamboanga, nga puros walay mga pasaporte.

Baynte singko niini wala gyud mga papeles uban na ang desisays (16) ka minor de edad.

“Nagpalipat-lipat sila ng isla from Bakungan, to Sulu, then to Basilan bago makarating ng Zamboanga, mga illegal na nakatira ang karamihan sa kanila sa Sandakan kung saan may massive crackdown and Malaysian authorities on undocumented aliens, apektado ang mga ito kayat nagdesisyon silang umuwi pabalik ng Pilipinas kaysa mahuli ng otoridad doon,” Ramos said.

Atol sa imbestigasyon, mitug-an ang mga pasahero nga sila lumad nga molupyo sa Sibuco og Sirawai, Probinsya sa Zamboanga del Norte , samtang ang uban taga barangay Sangali, Upper Calarian og Sta Barbara sa Zamboanga.

Nagduda ang otoridad, nga nanguli ang mga Pinoy gikan sa Malaysia human mideklara ang gobyerno sa Malaysia nga ilang gukdon ang tanang langyaw nga wala na-rehistro sa ilang nasud.

Be informed
  •  
  •  
  •  
  •  
  •  
  •  
  •  
  •  
  •