Isyu sa West Philippine Sea g VFA sentro sa panagtagbo ni Sec, Lorenzana ug US Defense Sec. Austin

Posted on

DAKBAYAN SA DABAW-— Nagtagbo Β na sila si Defense Secretary Delfin Lorenzana ug ang iyang Β kaatbang nga si US Secretary of Defense Lloyd Austin, apan pinaagi lang kini sa teleconference kon panag-istorya gamit ang television og internet

Sa sulat pahayag nga gipagawas sa  defense department, gihisgutan ni Lorenzana ug Austin ang isyu nga dunay kalambigitan  sa West Philippine Sea, ang pagsulod sa mga barko sa China sa Exclusive Economic Zone (EEZ) sa Pilipinas ug  ang sitwasyon sa nasangpit nga dapit.

Gihisgutan usab sa duha ka  opisyal ang subling pagsugod sa Joint RP-US Balikatan Exercises, nga giplanong ipahigayon karong tuiga.

Kahinumduman nga gikansela niadtong tuig 2020 ang nahisgutang ehersisyon tungod sa pandemya.

Gipaklaro  ni Sec. Austin ang kamahinungdanon sa  Visiting Forces Agreement (VFA) ug labing maayo kuno nga kini magpadayon.

Gipaniguro usab ni Lorenzana, nga iya kining tukion ang nahisgutang isyu sa ilang panagtagbo ni  Pangulong Rodrigo Duterte tungod kay kini ang mohatag sa iyang pinal nga pagtugot.

Gipangayo usab ni Lorenzana ang tabang  ni Austin,  aron mapadali ang pag-deliver sa Covid-19 Moderna vaccines nga moderna nga gi-order sa Istados Unidos.

Misaad usab  si Austin nga makig-alayon kini sa mga ahensya nga nakatutuk niini.

Kahinumduman nga duha ka beses nga na-extend ang VFA human nga nagdesisyon ang pangulo nga ibasura kini.

Be informed
  •  
  •  
  •  
  •  
  •  
  •  
  •  
  •  
  •