DSWD, naghatag og family tents ug modular tents sa Davao del Norte

Posted on

DAKBAYAN SA DABAW— Pormal nang nadawat sa Probinsya sa Davao del Norte ang 81 family tents gikan sa DSWD – Regional Resource Operations Section. Hulagway gikan sa One DavNor Network | Davao del Norte Provincial Information, Communications and Knowledge Management Office

TAGUM CITY, Davao del Norte – Nihatag og sumatutal nga 96 family tents ug 15 modular tents ang Department of Social Welfare and Development (DSWD) XI sa probinsya sa Davao del Norte ug sa siyudad sa Tagum.

Sumala pa sa Provincial Social Welfare and Development Officer nga si Rosalinda Rapista, 81 sa 96 ka mga family tent ang gipang-apud apod sa pito (7) ka mga munisipyo ug sa tulo (3) ka mga District Provincial Hospital, samtang 15 family tents ug 15 modular tents ang gihatag sa lokal nga panggamhanan sa Siyudad sa Tagum.

“Dako g’yod kaayo ni siya og tabang especially sa atong District Hospitals na magamit siyang triage pag-abot sa ilaha. Magamit sad siya nga mahimong isolation facility sa tagsa-tagsa ka hospitals ug LGUs,” sulti ni PSWD Officer Rapista sa One DavNor Network.

Dugang pa ni DSWD Regional Director Raquel Nuñez, ang mga modular ug family tents makatabang pud sa pagmuntar ug dugang na mga isolation facilities sa mga barangay sa maong probinsya.

“Kini atong mga [modular ug family] tents mamahimong gamiton nga quarantine facility, hilabi na sa atong mga locally stranded individuals (LSIs) ug mga nagpaabot sa resulta sa ilahang RT-PCR test,” sumala pa ni Director Nuñez.

Padayon ang pag-alibyo sa DSWD sa mga lokal nga panggamhanan sa Davao Region sa ilahang pakigbatok sa COVID-19 pandemic

Be informed
  •  
  •  
  •  
  •  
  •  
  •  
  •  
  •  
  •