DAKBAYAN SA DAVAO-— Gisugdan na sa Land Transportation Office (LTO) ang pagrehistro sa mga bagong motor nga dunay makina nga 200cc paubos ug dunay kini ka tulo (3) tuig nga bisa kon validity.
Sukad niadtong Lunes, Mayo15, duna nay kapin usa ka libo (1,000) ang narehistro subay sa Land Transportation Management System (LTMS) Memorandum Circular No. JMT-2023-2395.
Sa pahayag ni Land Transportation Office (LTO) Chief Jay Art Tugade, ang maong lakang kabahin sa paningkamot sa gobierno nga mamahimong hapsay ang pagproseso ug mga transaksyon sa publiko sa ilang ahensya.
Saysay niini “Using the LTMS for the registration of these brand new motorcycles demonstrates how both the agency and the public benefit from the digitalization of LTO’s frontline services. We must maintain this momentum and expand it to make services for the public easier, simpler, and more convenient,” matud ni Tugade.
Niadtong milabayng bulan, gi-anunsyo ni Tugade ang pag-implementar sa nahisgutang polisiya ug daghan kuno ang nalipay niini.
Kini usab usa ka paagi nga mogamay ang gasto sa mga nanag-iya og motor kay tag-tulo ka tuig na sila mag-renew sa ilang rehistro.
Giklaro ni Tugade nga tanang motor nga magdagan sa dalan gikinahanglan nga lig-on ug luwas, hinungdan nga ang ang ilang irehistro mao ang mga motor nga 200cc ang ilang irehistro.
Ang daang polisiya nagmandu sa LTO ang mga daan brand new motorcycle lang nga dunay engine displacement nga 201cc pataas ang kuwalipikado alang sat ulo (3) ka tuig nga pagparehistro.-Newsline Philippines