DAKBAYAN SA DAVAO — Ang pagdagsang sa hangin sa amihanang silangan (amihan) motabon sa tibuok Pilipinas sa sikad sa Huwebes hangtod sa katapusan sa semana. Kini sumala sa PAGASA.
Sa usa ka pahibalo, nagkanayon ang PAGASA nga hinay ngadto sa kasarangan nga pag-ulan ang masinati sa extreme northern Luzon Lunes ug sa Martes ug silangang Luzon gikan Miyerkules hangtod Biyernes.
Laing northeast monsoon magdala usab ug pag-ulan sa pipila ka bahin sa Visayas sa weekend.
Gitaho usab sa PAGASA nga ang katag-katag nga kasarangan ngadto sa kusog nga pag-ulan sa Shear Line maka-apekto sa Cordillera, Cagayan Valley, ug Aurora gikan Lunes hangtod Martes.
Mobalhin kini paingon sa habagatan ngadto sa Bicol, CALABARZON, ug bahin sa MIMAROPA Miyerkules ug tunga-tunga sa Huwebes dayon paingon sa habagatan sa Visayas sa ulahing bahin sa Huwebes ug Biyernes.
Motabok usab kini sa Caraga ug Davao Region sa weekend.
Ang PAGASA nagpahibalo nga posibleng makasinati na usab og pagbaha ug pagdahili sa yuta gilauman sa mga apektadong lugar.