DAKBAYAN SA DABAW (Oktobre 15) — Gi-anunsyo karong buntag ni Bise Mayor Bernie Al-ag nga dili sya magpapili sa umaabot nga Mayo 9, 2019 mid-term elections.
Sa usa ka press conference sa iyang opisina, gibutyag ni Al-ag nga kung modagan si presidential son Sebastian “Baste” Duterte isip bise mayor, dili na sya modagan ug motabang nalang sa mga kandidato sa Hugpong ng Pagbabago (HNP) .
Sout ni Al-ag sa unporme sa HNP sa iyang pakighinabi sa membro sa media.
Maskin nagpahiyum si Al-ag nga nakighinabi sa media, makita sa iyang mata ang kabug-at sa iyang gibati- apan patud pa niya “Dili gyud ko mobangga ug Duterte, motabang jud ko sa mga kandidato sa HNP.”
Una nang gihugon hugon nga modagan si ‘baste’ isip bise mayor.
Matud pa ni Al-ag dili na sya puede modagan ug kosehal sa ikatulong distrito tungod kay ang iyang magulang nga si Wigberto “Nonoy” Al-ag modagan sa isip konsehal.
Si Al-ag nahimong bise-mayor human mikanaug si Bise Mayor Paolo “Pulong” Duterte niadtong Disyembre 2018.
Niadtong Biernes, mipasaka na sa iyang kandidatura si Pulong isip representate sa unang distrito.
Una niini, mi-iway si PBA Partylist Representative Jericho Nograles, ang igsoon ni First District Conrgessman Karlo Nograles, sa pagdagan sa unangndistrito, tungod kay dili sya gusto mo-atbang kang Pulong Duterte.
Mahuman na ang tulo-ka termino ni Kongresman Karlo sa Hunyo 30, 2019. Unang nabalita nga si Kongresman Jericho ang mopuli ni Karlo, apan niadtong Huebes, misumitir na si Jericho sa iyang Certificate of Candidacy sa Commission on Elections (Comelec) ug magpasubli PBA partylist –ezc/NewsLine.ph
