DAKBAYAN SA DABAW (Oktobre 15) — Gikuyugan mismo ni Presidente Rodrigo Duterte ang iyang Special Assistant nga si Christopher Lawrence “Bong” GO, sa iyang pagpasa sa iyang Certificate of Candidacy (COC) didto sa Commission on Elections dili pa lanang dugay.
Alas 4:30 sa hapon niabot ang Presidente ug si Go sa Comelec, Naa sa atubangan ni Go ang Presidente samtang iyang gihikay ang iyang papeles.
Gi-alsa pa ni Duterte ang tuong kamot ni Go pagkahuman sa iyang pagsumitir sa iyang papeles sa Comelec.
Sa iyang pag-atubang sa mga reporters namulong si Go, “Kailangan po ng Tapang at malasakit sa senado, ang pagtakbo ko hindi para sa akin kundi para sa Pilipino.”
Giklaro ni Go nga ang iyang pagdagan alang sa kaayuhan sa nasud ug sa katawhang Pilipino.
Nagpasalamat si Go sa Presidente sa iyang suporta.
Gipanghimakak ni Go nga iyang gigamit ang kuarta sa goberno sa iyang pagtuyoktuyok sa nasud.
Matud ni Go, ang iyang pagtuyok subay sa sugo sa Presidente nga magbutang ug Malasakit centers sa tibouk kapupud-an.
Matud ni Go, motrabaho siya sa senado alang sa kalambuang sa tanan kung siya palaron.-Editha Z. Caduaya/NewsLine.ph
