DAKBAYAN SA DAVAO (Agosto 15)—Tanang Senador nakakuha og bahin sa miaging Kongreso og dili mo menus sa P500 milyon nga pondo gikan sa “leadership fund” nga gigahin sa Department of Public Works and Highways (DPWH) ubos sa 2025 nga national budget. Mao kini ang gibutyag si kanhi DPWH Secretary Manuel Bonoan sa Sandiganbayan niadtong Mierkules, Agotos 12, atol sa bista sa iyang kaso.
Sa iyang unang pagpakita sa Sandiganbayan, gisaysay ni Bonoan, nga usa na karon ka witness sa prosecution sa kasong malversation nga milambigit sa maanomalyang flood-control project.
Si Bonoan nag atubang og kasong graft ug plunder kuyog ni Senador Jinggoy Estrada, sa laing kaso nga milambigit sa pondo sa public works.
Sa iyang testimonya, gisaysay ni Bonoan nga, adunay dugang P500 milyon ang gigahin alang sa “priority projects” sa matag senador, ang mga chairperson sa mga dagkong komite, lakip ang Senate panel on public works, ug duna silay labing menos P1 bilyon matag usa.
Sa iyang tubag sa pangutana ni Associate Justice Ronald Moreno, gisaysay ni Bonoan nga “Alang sa tuig piskal 2025, base sa ilang mga rekord, ang tanang senador nakapahimulos sa pundo.
Gihulagway ni Bonoan nga ang ‘leadership fund’ sama sa alokasyon sulod sa national budget aron makolukar ang mga proyekto sa mga senador ubos sa Department of Public Works and Highways (DPWH).
Sumala ni Bonoan, iyang gihisgutan ang mga basehan sa pundo kuyog ni Sen. Juan Miguel Zubiri, ang presidente sa Senado niadtong panahona.
“Ang pundo ilalom sa pagbuot sa presidente sa Senado, apan adunay mga limitasyon sa paggamit niini base sa among gikasabutan,” matud ni Bonoan.
Sa iyang judicial affidavit, si Bonoan miingon nga P24 bilyon sa kinatibuk-an pondo ang gigahin alang sa mga senador, apan ang kantidad ubos sa pagbuot ni Zubiri.
Sa dihang gipangutanan ni Moreno kung wala bay sayop sa pagbutang sa pondo, mitubag si Bonoan nga wala.
Apan, sa susamanang adlaw, gihimakak ni Senador Zubiri ang gisaysay ni Bonoan nga siya ang nagdumala sa mga listahan sa mga proyekto. Giklaro ni Zubiri nga walay sayop sa mga gipang amiendahan, kung ang mga pondo gigamit sa saktng pamaagi.
Sumala ni Zubiri, isip president sa senado, wala siya mohangyo, naggunit o mihupot sa listahan sa mga senador.”
Gibarugan niini nga ang tanang hangyo gipaagi sa ‘finance committee’ sa semado, nga maoy nagdumala ug nagaproseso sa badget sa senador.
