DAVAO CITY — Nindot og puno sa kolor!
Kini ang sagad makita sa usa ka bulan nga selebrasyon sa unang face to face nga selebrasyon sa ‘Buwan ng Wika’ dinhi sa Davao region nga nahuman niadtong Lunes, Septiembre 5, 2022.
Ang kasaulugan gihimo sa nagkadaiyang eskuelahan sa tibouk Pilipinas ug dinhi sa rehiyon.
Padayong gipaningkamutan sa nasud nga ipreserba ang kulturang Pilipino, mao kini ang rason nganong ang tibouk bulan sa Agosto gihimong Buwan nang wika.
Matag bulan sa Agosto, gidasig ang tanan nga gamiton ang Wikang Pilipino, ug dili gamiton ang mga lenguahe sa mga banyaga sama sa Englis, Espanyol og uban.
Gani, giilisan na sa Komisyon ng WIkang Filipino ang ilang kaugalingong espeling sa Filipino.
Pinaagi sa usa ka memorandum numero 74, seris sa 2022 sa Departmento sa edukasyon, ug giklaro nga Pilipino na ug DILI Filipino ang gamiton.
Usa sa mga paagi nga mapakita ang nagkadaiyang hulagway ug kultura sa matag tribu sa nasud, mao ang pagsout og mga tradisyonal nga senina sa matag tribu atoll sa Buwan ng wika.
Nindot tan-awon ang mga bata nga nakasouta sa tradisyonal nga mga senina, sama sa Muslim , ang senina sa tirbung Mandaya, ug sagad sa mga batang babaye nga nakakimuna ug uban pang kasoutan nga nagpakita sa kultura ug tribu sa mga Pilipino.
Ang Buwan ng Wika gisaulog kada bulan sa Agosto isip pagsaulog sa kasaysayan, isip pag ila sa tinoud nga kultura natung mga Pilipino ug ipakita ang pagmahal sa atong nasud.
Niadtong tuig 1935, sa panahon ni Pangulong Manuel L. Quezon, nahimugso ang paila sa pinulungan nga Pilipino isip pinulungan sa Pilipinas.
Tungod niini mipasar ang kongreso ug balaodnon nga ilhon ang Pilipino kay mao kini ang pinulungan sa atong mga katiguwangan, ug niadtong tuig mil nuebe sentos trayntay singko nahimo na kining balaud ng ahangtud karon atong gisaulog ang buwan ng wika.
Sumalsa Komisyon sa Wikang Filipino (KWF), “ang pagpili sa usa ka pinulungan u lenguahe nakabase sa kalambuan, istraktura, mekanismo nga motatak kjanatu nga kita mga Pilipino ug tagalog ang napili tungod kay kini ang sagad pinulungan o lenguahe didto sa sentro sa panggobierno sa KAULUHANG MANILA.
Pinaagi sa balaud sa Komonwelt nga dunay numero 570, naproklama ang wikang pambansang Pilipino ug nagsugodkini niadtong tuig 1946. Aron maoy mamahimong opipsyal nga lenguahe sa Pilipinas,
Niadtong tuig 1973 giila kini isip Wikang Pili;ino pinaagi sa batanga balaud ug napatik sa 1987 nga konstitusyon ug nadeklara nga Pilipno ug English ang opisyal nga mga wikang pambansa.
Nagkadaiyang pulong ang nagamit natung mga Pilipino, samsa sa ispanyol, English ug hapon, uban pa, tungod kay sa hataas nga panahon gisakop ang pilipinas sa mag banyaga tungod sa kadaghan sa atong na turales rekoursos nga moresulta sa paggamit og nagkadaiyang pinulungan.
Ug dili lang kana, nanalaytay usab sa atong dugo dunay ang dugo sa mga banyaga tungod kay ang atong mga katigulangan, nabihag usab sa mga banyaga, ug kana kabahin na sa atong kasaysayan.-EZC
