PIKIT, Cotabato Province (Hunyo 27)- Patay diha-diha dayon ang car wash boy human gipusil sa riding-in-tandem sa National Highway sa Barangay Takepan, Pikit, Cotabato Province pasado alas 3:00 kagahapon sa hapon, Hunyo 26, 2025.
Giila sa mga pulis ang biktima nga si Homidie Ampatuan, residente sa Barangay Balungis, Malidegao, Special Geographic Area.
Subay sa report, padulong na sa iyang gitrabahoan nga Makinugon Car Wash ang biktima sakay sa motorsiklo dihang gisundan diay kini sa mga armadong naka motor ug gipusil sa makadaghang higayon hinungdan sa iyang kamatayon.
Dali nga nanibat ang mga armado ug ginasubay pa sa mga pulis ang motibo sa krimen.
