Gi-awhag na si Xi Jinping, ang Presidente kaniadtong Huwebes, Marso 8, sa militar sa iyang nasud nga mangandam alang sa mga panagbangi sa dagat ug panalipdan ang mga katungod ug interes sa ilang kadagatan.
Ang panawagan gihimo ni Xi atul sa usa ka miting sa mga delegasyon sa armadong kusog taliwala sa tension kabahin sa isyu sa South China Sea, kini ang gitaho sa Xinhua News Agency ang opistal nga media sa China.
Si Xi, nga nangulo sa Central Military Commission, ang pinakataas nga organisasyon sa depensa sa China, nanawagan usab sa militar nga pauswagon ang mga estratehikong kapabilidad sa mga nag-uswag nga mga lugar sama sa cyberspace ug outer space.
Gidasig ni President Xi ang iyang mga opisyal nga maghimo og mga lakang aron sa pagpalambo sa sistema sa aerospace sa China ug ang pagtukod sa sistema sa depensa sa cyberspace.
Ang lider nagpagawas sa mga instruksyon atol sa miting sa National People’s Congress karong tuiga, o parliament sa China, sumala sa Xinhua News Agency.
Sumala sa media sa Hong Kong, usa ka senior nga opisyal sa navy sa China ang nag-ingon nga dunay plano ang China nga magtukod sa ilang ikaupat nga aircraft carrier sa nasud nagpadayon. Apan, dili klaro kung nuclear-powered ba ang barko.
Ang China giakusahan nga nangangkon sa mga teritoryo sa ubang mga nasud sa kadagatan sa East ug South China.
