DAKBAYAN SA PANABO (Mayo 13) — Milapas kuno si re-electionist Davao Del Norte Second District Congressman Antonio Floirendo Jr. sa mga probisyon sa eleksyon sa dihang iyang gipakita ang iyang balota ug resibo sa iyang boto sulod mismo sa presinto, kini sumala sa Commission on Elections (COMELEC).
Miboto si Floirendo sa presinto sulod mismo sa ilang plantasyon sa ilang sagingan sa E.O Floirendo Elementary School sa Panabo City, ug sa dihang nahuman na kini ug boto, iyang gipakita ug gani nakuhaan ug hulagyan nga iyang gipakita ang iyang balota.
Ang tigpamaba sa Comelec nga si James Jimenez sa taho sa ABS-CBN, nagbutyag nga posibling mag-atubang ug reklamo si Floirendo.
Sa susamang report, midugang si Jimenez “Bawal magpakita ng balota, bawal magpakita sa resibo ng pagboto. It’s an election offense so if someone files an election complaint, it would be his problem.”
Gipakita kuno ni Floirendo ang iyang balota, aron makita-an sa mga tawo nga hugot niyang gisuportahan ang mga kandidato nga ilawon sa grupo ni Davao City Mayor Sara Duterte nga Hugpong ng Pagbabago (HNP).
Ubos sa Comelec Resolution No. 10460 Sec. 64, usa ka paglapas sa balaud ang pagpakita sa sulod sa balota.
Ug mag-atubang ug usa hangtud unom (1-6) ka tuig nga pagka priso o diskualipikasyon sa pagpanerbisyo sa publiko, ug dili na kini makaboto.
Apan, nakugang si Floirendo “Violation ba ‘yun, pakita ko? It’s my right to show my own vote, ‘di ba? (right?)” , wala kini nagtuo nga usa ka kalapasan ang iyang nahimo.
Matud pa niya, mas maayo man kuno ng mosulti sa tinoud kaysa mamakak, kay kadaghanan kuno nagatago kung kina ilang giboto, matud niya “Normally, it’s really much better instead of telling a lie kasi karamihan ng iba, itago nila, they tell a lie. But it’s your right to show it if you want to show it para wala na ‘yung intriga-intriga sa buhay.”
Matud ni Atty. Aimee Ferolino-Ampoloquio “No, no, no. Hindi iyan part ng right niya (That’s not part of his right).” ‘
Si Ferolino-Ampoloquio, ang chairperson sa Comelec provincial board of canvassers.
Sa susamang taho sa ABS-CBN, gibutyag niini nga nadunggan nila si Floirendo nga nag-ingon sa iyang anak “Don’t vote for Pimentel ha? He’s the best friend of Alvarez.”
Matud sa Comelec, gibawal gihapon nga makig-istorya ang botante sa usa ka botante sulod sa presinto samtang sila nagaboto.-Editha Z. Caduaya/NewsLine.ph
