MAKILALA, North Cotabato—- Gideklara sa Peace and Order Council ning lungsod nga Persona Non Grata ang mga rebeldeng New People’s Army (NPA) .
Ang resolusyon gipasar ug pinirmahan ni Mayor Armando Quibod ug 39th Infantry Battalion commander Lt. Col. Rojhon Rosales niadtong martes kuyog ang mga liders ug mga kapitan sa lungsod, sila misaad nga magtimbayayong aron mawala na ang mga rebelde dinhi..
Ang pagdeklara sa armadong grupo nga Persona Non Grata, nagpasabot nga ang katawhan dili na mosugot nga adunay rebelde sa ilang barrio ug dili na sila mohatag ug suporta sa mga NPA.
Ang Makilala usa sa mga lungsod sa probinsya nga adunay mga rebeldeng naglihuk , gani, kanunay mag engkuentro sa sundalo ug rebelde labi na mga hilit nga barangay.
Gihangyo ni Quibod ang mga kapitan ug molupyo sa iyang lungsod nga tabangan ang paningkamot sa gobierno nga mamalihong malinawon ang lungsod, ug dili na sila mosuporta sa kalihukan sa mga rebelde aron padayon na ang kalambuan ug aduna nay kalinaw.
Gi-awhag usab ni Quibod ang mga kaila ug paryente sa mga rebelde nga mosurender na, ug dili na sila mahadluk sa armadong grupo.
Si Rosales usab nagpahimangno sa katawhan nga udangon na nila ang ilang [aghatag ug suporta ug pagpsasulod sa mga rebelde sa ilang barangay.
Malaumon si Rosales nga mabungkag na ang kalihukan sa mga rebelde ning lungsod tungod sa hugot nga suporta sa mga kapitan ug katawhan.
Gi-warningan usab ni Rosales ang mga barangay opisyal nga dili na mosuporta sa mga rebelde ug dili na sila tugutan nga maglihuk sa mga barangay tungod kay adunay silay responsibilidad nga protektahan ang nasud batok sa terorismo.-CACS/NewsLine.ph
