DAKBAYAN SA DABAW — Gi-awhag ni Mayor Sara Duterte-Carpio ang mga Dabawenyo nga himoong batasan ang pagsunod sa upat ka paagi aron malikayan ang inpeksyon sa coronavirus-19.
Ang paglikay sa matag usa gikan sa inpeksyon daku og matabang sa ekonomiya ug sa panglawas sa katawhan.
Sumala sa mayor, ang simpleng pamaagi pagalangkuban sa musunod: pagpondo sa panimalay, pagsout og face mask, pagsunod sa 2-meter distance gikan sa mga tawo ug ang permamenting paghugas sa kamot.
Ang iyang sugyot, matud pa, simpol lang kaayo apan kini ang pinaka epektibo nga pamaagi aron malikayan ang kagaw sa covid-19.
“Ang atoang gusto buhaton, kitang tanan, is open our city and make sure nga abli atoang siyudad—abli ang atoang mga opisina, ang atoang mga establishments despite nga dunay pandemic nga nagapanghitabo sa tibuok kalibutan,” saysay sa Mayor.
Nanawagan ang mayor sa katawhan nga angayan gayud kunong mosunod sa mga pamaagi aron sila malikay sa makamatay nga virus.-Winkle MAe M. Tabuclao/Newsline.ph
