DAKBAYAN SA DAVAO— Posibling lugwayan pa ang deklarasyon sa state of public health emergency hangtud sa katapusan sa tuig, kini ang gisaysay ni Presidente Ferdinand “Bongbong” Marcos, Jr. niadtong Mierkulas, Agosto 17.
Matud sa Presidente tungod kay padayon pa ang hulga sa Covid-19, lugwayan pa ang nahisgutang deklarasyon.
Matud sa Presidente ang deklarasyon sa state of emergency, hangtud nalang sa Septiembre 12, kay mawad-an na og bisa ang emergency use authorization and compassionate special permit nga gipagawas sa Food and Drug Administration alang sa COVID-19 vaccines.
“Yes, we were just discussing it with Usec. [Ma. Rosario] Vergeire. Kasi maraming mga binibigay sa international medical community kapag state of emergency. WHO [World Health Organization] is one of them,” saysay sa Presidente sa usa ka interview niadtong Mierkules.
Midungag ang presidente, “Kapag itigil natin yung state of emergency, matitigil ‘yun” hinungdan nga posibleng lawigan pa ang deklarasyon “But we are looking at amending the law in terms of procurement and all of that, in the middle of an emergency, but that will take time. So malamang we will extend it, we will extend it until the end of the year.”
Gideklara ni kanhi Presidente Rodrigo Duterte ang state of emergency niadtong bulan sa March 2020 tungod sa pandemya ug iya pa kining gilugwayan hangtud sa Septiembre 12, 2022,
Sa talaan sa Department of Health kutob niadtong Agosto 16, miabot na sa 3,838,062 ka kaso sa COVID-19 ang natala sa nasud ug 36,190 niini ang gikonsiderang active cases.
Samtang kapin 72 milyones na ka mga Pilipino na ang nabakunahan batok sa COVID-19.-Paul Palacio
