DAKBAYAN SA DABAW (Pebrero 6)-— Mibisita si Presidente Rodrigo Duterte sa lubong sa iyang mga ginikanan niadtong Lunes 11:30 sa gabii, Pebrero 4, atol sa ikapitong anibersaryo sa kamatayon sa iyang inahan ug human gipasiatab sa iyang mga kabalan nga namatay na kini.
Namatay ang iyang inahan nga si Soledad Duterte o Nanay Soleng niadtong Pebrero 4, 2012.
Sumala sa Facebook post ni kanhi Special Assistant to the President Christopher Lawrence “Bong Go’, mibisita sila sa lubong sa ginikanan ni Presidente Duterte sa Wireless Cemetery ning dakbayan.
Kuyog sa Presidente si Go sa iyang pagbisita og gitapok-an ang Presidente sa katawhan sa iyang paggawas sa mosuleo sa iyang ginikanan, gihangop siya sa mga tawo.
Sumala sa taho nga nakalap sa Newsline.ph, dayong mibisita ang President sa lubong sa iyang ginikanan human mikatag ang malisyosong balita kabahin sa iyang kamatayon.
Sa pasiunang mga pakighinabi sa media, gisaysay ni Eleanor Duterte, ang maguwang ni Presidente Digong “Sukad namatay ang among mga ginikanan, kana si Rodrigo mobisita na didto labina ug naa siyay problema o naa syay gusto isulti sa among ginikanan”
Midugang si Leanor, nga walay laing adtoan ang Presidente kung siya mobati ug tumang kalipay o kagoul “Moadto lang na siya sa Wireless, didto na magpahungaw, mosumbong sa among ginikanan.”
Una niini, gibaniog sa iyang mga kritiko sa social media nga namatay na kuno ang Presidente.
Apan, sa usa ka video message niini pinaagi sa Facebook sa iyang kauban nga si Honeylet Avanceña, gibutyag ni Presidente nga naa ra sya ug sa iyang mga kritiko, siya mihangyo nga i-ampo siya.
Kaniadto pa man sa iyang panahon pagka-mayor ning dakbayan, kung mawala sa panan-aw sa iyang kritiko si Duterte, ipasia-atab dayon sa iyang kalaban sa politika nga si Duterte masakiton.
Kaning mga lihok og klase sa mga balita, dili na bag-o sa dunggan sa mga taga Dakbayan.-Jiann A. Padillo/NewsLine.ph
