DAKBAYAN SA DABAW, Mindanao-— Patay ang usa ka pusher ug user sa  illegal nga druga, human kini  misukol atol sa buy bust operation alas 8:30 niadtong Abril 29, 2018 sa Purok 14 Barangay Calinan, Davao City.
Ang suspek nailhang usa ka Tam Tam Muscan, hamtong ang pangidaron ug Mulopyo sa Brgy Dacudao Calinan.
Sumala ni PCI Michael Uyanguren, Station Commander sa Calinan, gihimo nila ang buy bust operation batok kang Muscan human nila namonitor nga nagpadayon gihapon kini sa pagdula ug illegal nga druga, bisan nga misurrender niadtong Abril 24 ug miangkon nga nagabaligya ug gagamit siyag illegal nga druga, dungan sa pagsaad nga muundang na kini.
Nagmalampuson ang kapulisan nga makapalit ug usa ka pakete nga shabu sa kantidad nga kinyentos Pesos (500.00), sa dihang arestuhon na unta, gitulak sa suspek ang police, nibunot sa iyang armas ug gipusil ang pulis. Maayo nalang matud pa kay wa maigo, ug tungod niini gipusil sab sa pulis ang suspek.
Gidala pa sa otoridad si Muscan sa Robillo Hospital sa Calinan diin kini gideklarang dead on arrival sa attending physician nga si Dra. Rizza Mae Apostol.
Sa lugar nga nahitabuan sa insidente, nakakuha SOCO ug usa ka .38 revolver pistol nga dunay duha ka mga buhing bala ug isa ka nakabuto nga bala.
Sa pag-rekisa sa patayng lawas ni Muscan, nakakuha pa ang embalmer ug ug upat ka mga tuy-od oakete sa shabu-Rey Nuñez/Newsliine.ph
