Duha ka eroplano sa Delta Airlines nagbangga sa LaGuardia airport sa new York

DAKBAYAN SA DAVAO (Oktobre 3) –Duha ka eroplano nga gidumala ubos sa subsidiary sa Delta ang nagbangga sa runway sa LaGuardia Airport sa New York.

Sumala sa mga report, ang insidente naglambigit sa duha ka Endeavor Air jet nahitabo alas 9:58 sa gabii (9:58 am Huwebes sa Manila) samtang ang usa mitugpa ug ang usa hapit na molupad, sumala sa usa ka pahayag gikan sa Port Authority sa New York ug New Jersey.

Usa ka flight attendant ang gidala sa ospital human nakahiagum og bun-og sa lawas, sumala sa report sa Delta.

Ang LaGuardia, usa sa pinakabusy nga mga airprot sa Estados Unidos, apan, bisan pa sa insidente, wala mabalda ang ilang operasyon.

Ang Delta, ang parent company sa Endeavor Air, nagkanayon nga ilang sutaon ang panghitabo ug lantawon ang nga hinungdan sa insidente ug andama sila ang mokooperar sa mga otoridad , aron usab mapaniguro nga luwas ang tanan, bisan pa man ilang gihulagway ang insidente nga “usa ka low-speed collision atol sa taxi.”

Sumala sa Delta nga ang pako sa eroplano nga nag-taxi sa unahan sa paglarga paingon sa Roanoke, Virginia, naghimo “kontak … sa fuselage sa umaabot nga eroplano.”

Ang duha ka jet adunay kinatibuk-an nga 93 ka mga pasahero ug mga tripulante nga sakay, dugang ni Delta.

Ang mga apektadong pasahero, gitabangan na sa Delta nga mahatagan og akomodasyon.