DAKBAYAN SA DABAW — Nakaganansya gihapon ang kompanya sa ilimnon nga Emperador bisan pa man dunay pandemya, kini tungod kay mikusog ang ilang halin sa gawas sa nasud.
Sumala ni Andrew Tan, a bilyonaryong tag-iya sa Emperador Inc, misaka og 24 poryesnto kon P1.9-bilyon ang iyang kita sa ikaduhang ‘quarter’ sa kasamtangang tuig.
Matud ni Tan, ang pagsaka sa ilang halin, usa ka positibong panghitabo bisan pa man taliwala sa pandemya “Niabri og oportunidad ang pandemya sa pipila ka klase sa patigayon, gipangita ang among ‘brand’ bisan pa man dunay mga pagdili sa ilinom, apan pinaagi sa e-commerce nakaganansya mi.”
“Nagadaku ang among negosyo sa tibouk kalibutan, og didto among nakita ang pagsaka sa among negosyo,” matud sa kompanya sa ilang sulat pahayag.
Sa Pilipinas gidili ang ilimnong makahubog sukad nag sugod ug quarantine ang gobierno, apan, mikita gihapon ang kompanya sa ilang pagpadala ug mga ilimnon gawas sa nasud.-Winkle Mae M. tabuclao/Newsline.ph
