DAKBAYAN SA DAVAO —Usa ka United Airlines Boeing 787 jetliner nga naglupad gikan sa Los Angeles paingon sa China ang mibalik sa Estados Unidos niadtong Marso 22, 2025, apan mibalik kini human nadiskobrehan sa piloto nga nabilin ang iyang pasaporte, kini sumala sa report sa CNN.
Ang Flight UA 198 mibiya sa LAX sa alas 2 sa hapon niadtong Sabado nga adunay 257 ka mga pasahero ug 13 ka tripulante nga sakay ug mipaingon sa Shanghai, China.
Apan, paglabay sa duha ka oras, mibalik ang eroplano ug mipaingon sa San Francisco, ug mitugpa kini mga alas 5 sa hapon, sumala sa website nga FlightAware.
Sumala sa pahayag sa United Airlines, nadiskobrehan sa piloto nga wala niini nadala ang iyang pasaporte.
Tungod sa aberya, gipasakay sa management ang pasahero aron makaabot sa ilang destinasyon ug gipanghatagan og mga voucher sa pagkaon ug bayad.”
Ang eroplano kuyog ang mga bag-ong airline crew milupad mga alas 9 sa gabii. ug mitugpa sa Shanghai mga unom ka oras sa ulahi sa eskedyul.
Edith Z Caduaya studied Bachelor of Science in Development Communication at the University of Southern Mindanao.
The chairperson of Mindanao Independent Press Council (MIPC) Inc.
