DAKBAYAN SA ZAMBONGA (Hunyo 14)— ZUsa ka 19-anyos nga babayeng estudyante ang gi-aresto sa kapulisan, human kini nakuhaan ug balor PHP544,000 nga suspetsadong shabu niadtong Mierkules, Hunyo 12.
Giila ni Major Mark Anthony Karanain ang estudyante nga si Adamay Sipin alias Ajing, 19, estudyante sa Grade 10.
Matud ni Karanain, dugay na nilang gitiktikan si Sipin, ug niadtong Mierkules gihimo ang usa ka operasyon alas 2:10 sa hapon didto sa Armor Village, Barangay San Jose-Gusu.
Nakakuha ang kapulisan ug baynte (20) ka pakete sa gituohang shabu nga mokabat sa PHP544,000 ug mga kuarta.
Mag-atubang si Sipin ug kaso tungod sa paglapas sa Republic Act 9165 kon Comprehensive Dangerous Drugs Act of 2002.-Cristine Palero /NewsLine.p
