DAKBAYAN SA DAVAO— Gikataw-an ni Presidente Ferdinand Marcos Jr. ang isyu nga dunay dokumento ang Philippine Drug Enforcement Agency (PDEA) nga naglambigit niya ug sa usa ka aktres sa paggamit sa ilegal nga drugas.
Mikatawa lang ug milakaw si Presidente Marcos Jr. sa dihang gipangutana sa mga tigbalita niadtong Martes atul sa pagsaulog sa adlaw sa mga GOCC sa PICC sa Pasay City.
Nadunggan usab sa mga tigbalita si Executive Secretary Lucas Bersamin, nga naghulagway nga istorya nga “gimugna” lang.
Una nang giakong ni kanhi PDEA intelligence officer Jonathan Morales sa usa ka Senate hearing nga siya ang nagpagawas sa mga dokumento niadtong tuig 2012, Ang nahisgutang dokumentyo matud pa, naglambigit kang Senador Bongbong Marcos ug usa ka aktres sa paggamit sa ilegal nga drugas.
Apan gihimakak ni PDEA Chief Moro Virgilio Lazo ang nahisgutang dokumento nga gikan ni Morales.
Gitawag ni House Deputy Speaker ug Quezon 2nd District Rep. David “Jay-jay” Suarez nga “political circus” ang padayon nga pagdungog sa giingong report sa PDEA nga naglambigit sa Presidente sa ilegal nga drugas.
Una niini, nagpagawas na og pahayag ang PDEA nga nagbasura sa nahisgutang dokumento, kay matud sa PDEA peke ang dokumento ug nagpasidaan kini sa publiko batok sa pagtuo kay matud niini sa panahon sa Artificial Intelligence (AI) daghan ang mga makamugna ug realistiko nga peke nga mga video, ug dili tinuod nga mga dokumento.
Apan si Senador Ronald “Bato” dela Rosa niinsister nga tinoud ang mga dokumento. Ang Senador nga kaalyado ni kanhi Presidente Rodrigo Duterte maoy mangulo sa pagpadayon sa pagdungog sa Senate Committee on Public Order and Dangerous Drugs.
“Sa akin kini usa lamang ka political circus, sa akong hunahuna kini usa ka bahin sa usa ka mas dako nga orchestrated destabilization nga kalihukan batok sa administrasyong Marcos,” ingon ni Suarez sa usa ka press conference kaniadtong Lunes.
“Nakita na man nato nga nag-isyu sa pamahayag sa PDEA,” saysay ni Suarez ug wala kini gihatagan og gibug-aton sa PDEA ug atul sa Senate Hearing, sumala sa opisyal, walay kredibilidad ang mga tistigos.
“Naglaum ko ug nag-ampo ko sa atong mga kauban sa Senado nga atong tutokan ang mga isyu nga adunay mas nasudnong kahulogan sa kinabuhi sa katawhang Pilipino,” awhag ni Suarez sa Senate panel.
