DAKBAYAN SA DAVAO-— Nasakpan gilayon sa kapulisan sa Zamboanga City Police Station 11, ang usa ka holdaper nga nakamotor nga migamit og dulaan nga `pellet gun,’ sa iyang kriminal nga aktibidad.
Ang suspek dugay ng gipaniad-an sa kapulisan ug niadtong Sabado sa gabii, Mayo 11, nataymingan gayud kini sa mga operatiba didto sa sentro sa Zamboanga City.
Sa dihang gidasmagan kini sa mga pulis, nasuta nga usa ka dulaan nga pellet gun ang ginagamit sa suspek sa pagpanghadkuk sa iyang mga target.
Anaa na karon sa kostudiya sa Zamboanga City Police Station 11 ang suspek ug ang iyang motor ug pellet gun nga gigamit niini sa paghulga sa mga biktima sa pagpanghold-up.
Ang tinoud nga pellet gun mahimong mas kusgan sa mga katulin nga hapit sa 1,000 ka tiil matag segundo ug moresulta kini sa kdaut sa panit sa tawo nga maigo niini.
