MAKILALA, NORTH COTABATO (Oktobre 31) — – Usa ka Inahan ug ang iyang tulo ka anak nangamatay sa pagdilaab sa ilang balay didto sa bukid sa Barangay Buhay, Makilala, North Cotabato, Lunes sa hapon, Oktobre 30.
Giila ni Fire Officer 3 Rey Pacres sa Bureau of Fire Protection (BFP) sa Makilala ang mga naugdaw nga sila si Esnayra Quila, 29 (ang inahan), iyang tulo ka anak nga si Sohaile, 3, Sohaina, 2, ug ang tulo ka bulan nga si “Baby Quila.”
Matud ni Pacres, gawas sa tulo ka namatay aduna pay lima ka tawo nga nangapaso tungod sa pagkasunog sa balay sa mga Quila, alas 3:00 sa hapon didto sa Purok Maliwanag, Barangay Buhay.
Ang mga gidala sa hospital nga nakabaton ug second hangtud third-degree burns mga parente sa biktima nga na-ilhang sila si Mosarip, Malic, Rainah, Hairodin, ug Fahap, puro nag-apilyedo ug Quila.
Walay makasaysay nganong nahitabo ang sunog.
Ang balay sa mga biktima hinimo sa kahoy.
Si Makilala Munisipal Mayor Rudy Caoagdan misaad nga tabangan ang mga biktima ug ang mga mga nahospital.
Ang baryo sa Buhay nahimutang sa hilit nga bahin og 25 ka kilometro gikan sa munisipyo.-Jian A. Padillo/NewsLine.ph
