Kapin 6 milyon nga text scams ang natala niadtong 2024 sa Pilipinas- — Whoscall

DAKBAYAN SA DAVAO – Mitala og  6,157,517 text short message service (SMS) scams ang natala sa Pilipinas niadtong tuig 2024, kini sumala sa usa ka caller  identification service provider Whoscall niadtong Mierkules, Enero 15.

Sumala ni Mel Migriño, ang  country head  sa  Whoscall’s developer nga  Gogolook,  kadaghanan sa mga text scam natala niadtong ikaw-upat nga kuarter sa tuid 2024 ug mikabat sa  2,079,968.

“Gipakita sa datos nga ang ika-upat nga kwarter mao ang labing dako nga bahin, nga naglangkob sa 33.8 porsyento sa kinatibuk-ang SMS scam nga natala kaniadtong 2024,” ingon ni Migriño sa usa ka pahayag.

Ang Disyembre, apil na ang holiday season, maoy adunay pinakadaghang nataho nga text scam nga niabot sa 708,005.

Sa talan sa Whoscall mao kini ang sagad unod sa mga text message:

• Loan-related text scams nga mitala og 23% ug kini ang pinaka common .
• Mokabat sa 16,553 ang mga suspicious URLs, ug 26% nga imbitasyon nga magrehistro sa insurance, online services ug mg pinsnasyal nga pagmaniobra
• 73% sa mga Filipino ang dunay pagsalig nga makabantay sila sa scams.
• 67% ka mga FIlipino ang nakasinati sa scam sa usa ka bulan
• 49% ang nakasinato og daghan nga scam sa sulod sa usa ka tuig.
• Sagad sa mga FIlipino nasayod nga ang scammers migamit sa Articifial Intelligence.
• Kadaghanan sa mga scam pinaagi sa social media ug text messages.
• Giabuso sa mga scammer sng Facebook ug Gmail.
• Shopping websites ang pinakacommon nga ginagamit sa scam sa Pilipinas .
• 76% sa text scams sa Pilipinas nahuman sulod sa 24 oras sukad sa pag contact.
• Digital wallets o e-wallets ang pinaka dominanteng paagi sa pagbayad sa scam.
• Ang mga FIlipino daling maaghat sa scam .
• 3% lang sa mga biktima ang nakabawi sa nawala kanila

Si Cybercrime Investigation and Coordinating Center (CICC) executive director Undersecretary Alexander Ramos nitumbok sa kausaban sa text scam schemes sa miaging quarter.

“Spoofing scams, diin ang mga scammers nag-impersonate sa opisyal nga SMS channels sa telcos, e-wallets, digital banks, ug uban pang brands pinaagi sa pagpadala og mga mensahe nga adunay malisyosong links, nahimong mas kaylap,” matud ni Ramos.

“Ang tono sa kini nga mga mensahe sa Spoofing scam kanunay nga nagmugna usa ka pagbati sa pagkadinalian, kanunay nga nag-angkon nga ang mga ganti mo-expire o ang mga password hapit na mahimong dili balido. Kini nga mga mensahe kasagarang magtudlo sa mga nakadawat sa pag-klik sa usa ka link aron ma-update ang ilang impormasyon. Bisan pa, kini nga link usa ka ganghaan alang sa mga scammers aron ma-access ang digital banking o e-wallet account sa ilang mga biktima, ”dugang niya.

Mokabat sa 600,000 ka mga Filipino ang nabiktima sa text scam niadtong 2024. Kadaghanan niini gitaho sa fourth quarter usab nga adunay 201,760, sumala sa Whoscall.

“Daghan ang nanginahanglan og cash o extra income panahon sa holiday seasons,” matod ni Ramos.

Niadtong Hunyo sa miaging tuig, ang CICC nipasidaan na sa publiko batok sa pagdagsang sa text scam.

Gitambagan sa CICC ang publiko nga dili i-post ang mga litrato sa ilang ID, bank account, credit card, ug billing statement sa social media o internet.

Gidugang niini nga kinahanglang mokonsulta ang publiko sa ilang bank manager kung aduna silay problema sa ilang mga bank account, ug dili ipaambit ang mga detalye sa ilang digital wallet sa mga bank account sa mga estranghero.